(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 134

॥ శ్రీః ॥
1.134. అధ్యాయః 134
Mahabharata - Adi Parva - Chapter Topics
పాండవానామాయుష్యకథనం॥ 1 ॥ మాద్ర్యా మైథునప్రవృత్తస్య పాండోర్మరణం॥ 2 ॥
పాండవప్రలాపః॥ 3 ॥ మాద్ర్యాః సహగమనం॥ 4 ॥
మృతస్య పాండోర్దహనాదిసంస్కారః॥ 5 ॥
Mahabharata - Adi Parva - Chapter Text
`జనమేజయ ఉవాచ। 1-134-0x(789)(5933)
కస్మిన్వయసి సంప్రాప్తాః పాండవా గజసాహ్వయం।
సమపద్యంత దేవేభ్యస్తేషామాయుశ్చ కిం పరం॥ 1-134-1(5934)
వైశంపాయన ఉవాచ। 1-134-2x(790)
పాండవానామిహాయుష్యం శృణు కౌరవనందన।
జగామ హాస్తినపురం షోడశాబ్దో యుధిష్ఠిరః॥ 1-134-2(5935)
భీమసేనః పంచదశో బీభత్సుర్వై చతుర్దశః।
త్రయోదశాబ్దౌ చ యమౌ జగ్మతుర్నాగసాహ్వయం॥ 1-134-3(5936)
తత్ర త్రయోదశాబ్దాని ధార్తరాష్ట్రైః సహోషితాః।
షణ్మాసాంజాతుషగృహాన్ముక్తా జాతో ఘటోత్కచః॥ 1-134-4(5937)
షణ్మాసానేకచక్రాయాం వర్షం పాంచాలకే గృహే।
ధార్తరాష్ట్రైః సహోషిత్వా పంచ వర్షాణి భారత॥ 1-134-5(5938)
ఇంద్రప్రస్థే వసంతస్తే త్రీణి వర్షాణి వింశతిం।
ద్వాదశాబ్దానథైకం చ బభూవుర్ద్యూతనిర్జితాః॥ 1-134-6(5939)
భుక్త్వా షట్త్రింశతం రాజన్సాగరాంతాం వసుంధరాం।
మాసైః షడ్భిర్మహాత్మానః సర్వే కృష్ణపరాయణాః॥ 1-134-7(5940)
రాజ్యే పరీక్షితం స్థాప్య దిష్టాం గతిమవాప్నువన్।
ఏవం యుధిష్ఠిరస్యాసీదాయురష్టోత్తరం శతం॥ 1-134-8(5941)
అర్జునాత్కేశవో జ్యేష్ఠస్త్రిభిర్మాసైర్మహాద్యుతిః।
కృష్ణాత్సంకర్షణో జ్యేష్ఠస్త్రిభిర్మాసైర్మహాబలః॥ 1-134-9(5942)
పాండుః పంచమహాతేజాస్తాన్పశ్యన్పర్వతే సుతాన్।
రేమే స కాశ్యపయుతః పత్నీభ్యాం సుభృశం తదా॥ 1-134-10(5943)
సుపుష్పితవనే కాలే ప్రవృత్తే మధుమాధవే।
పూర్ణే చతుర్దశే వర్షే ఫల్గునస్య చ ధీమతః॥ 1-134-11(5944)
యస్మిన్నృక్షే సముత్పన్నః పార్థస్తస్య చ ధీమతః।
తస్మిన్నుత్తరఫల్గున్యాం ప్రవృత్తే స్వస్తివాచనే॥ 1-134-12(5945)
రక్షణే విస్మృతా కుంతీ వ్యగ్రా బ్రాహ్మణభోజనే।
పురోహితేన సహితాన్బ్రాహ్మణాన్పర్యవేషయత్॥' 1-134-13(5946)
వైశంపాయన ఉవాచ। 1-134-14x(791)
దర్శనీయాంస్తతః పుత్రాన్పాండుః పంచ మహావనే।
తాన్పశ్యన్పర్వతే రంయే స్వబాహుబలమాశ్రితః॥ 1-134-14(5947)
సుపుష్పితవనే కాలే కదాచిన్మధుమాధవే।
భూతసంమోహనే రాజా సభార్యో వ్యచరద్వనం॥ 1-134-15(5948)
పలాశైస్తిలకైశ్చూతైశ్చంపకైః పారిభద్రకైః।
అన్యైశ్చ బహుభిర్వృక్షైః ఫలపుష్పసమృద్ధిభిః॥ 1-134-16(5949)
జలస్థానైశ్చ వివిధైః పద్మినీభిశ్చ శోభితం।
పాండోర్వనం తత్సంప్రేక్ష్య ప్రజజ్ఞే హృది మన్మథః॥ 1-134-17(5950)
ప్రహృష్టమనసం తత్ర విచరంతం యథాఽమరం।
తం మాద్ర్యనుజగామైకా వసనం బిభ్రతీ శుభం॥ 1-134-18(5951)
సమీక్షమాణః స తు తాం వయఃస్థాం తనువాససం।
తస్య కామః ప్రవృతే గహనేఽగ్నిరివోద్గతః॥ 1-134-19(5952)
రహస్యేకాం తు తాం దృష్ట్వా రాజా రాజీవలోచనాం।
న శశాక నియంతుం తం కామం కామవశీకృతః॥ 1-134-20(5953)
`అథ సోఽష్టాదశే వర్షే ఋతౌ మాద్రమలంకృతాం।
ఆజుహావ తతః పాండుః పరీతాత్మా యశస్వినీం॥' 1-134-21(5954)
తత ఏనాం బలాద్రాజా నిజగ్రాహ రహోగతాం।
వార్యమాణస్తయా దేవ్యా విస్ఫురంత్యా యథాబలం॥ 1-134-22(5955)
స తు కామపరీతాత్మా తం శాపం నాన్వబుధ్యత।
మాద్రీం మైథునధర్మేణ సోఽన్వగచ్ఛద్బలాదివ॥ 1-134-23(5956)
జీవితాంతాయ కౌరవ్య మన్మథస్య వశం గతః।
శాపజం భయముత్సృజ్య విధినా సంప్రచోదితః॥ 1-134-24(5957)
తస్య కామాత్మనో బుద్ధిః సాక్షాత్కాలేన మోహితా।
సంప్రమథ్యేంద్రియగ్రామం ప్రనష్టా సహ చేతసా॥ 1-134-25(5958)
స తయా సహ సంగంయ భార్యయా కురునందనః।
పాండుః పరమధర్మాత్మా యుయుజే కాలధర్మణా॥ 1-134-26(5959)
తతో మాద్రీ సమాలింగ్య రాజానం గతచేతసం।
ముమోచ దుఃఖజం శబ్దం పునః పునరతీవ హి॥ 1-134-27(5960)
సహ పుత్రైస్తతః కుంతీ మాద్రీపుత్రౌ చ పాండవౌ।
ఆజగ్ముః సహితాస్తత్ర యత్ర రాజా తథాగతః॥ 1-134-28(5961)
తతో మాద్ర్యబ్రవీద్రాజన్నార్తా కుంతీమిదం వచః।
ఏకైవ త్వమిహాగచ్ఛ తిష్ఠంత్వత్రైవ దారకాః॥ 1-134-29(5962)
తచ్ఛ్రుత్వా వచనం తస్యాస్తత్రైవాధాయ దరకాన్।
హతా।హమితి విక్రుశ్చ సహసైవాజగామ సా॥ 1-134-30(5963)
దృష్ట్వా పాండుం చ మాద్రీం చ శయానౌ ధరణీతలే।
కుంతీ శోకపరీతాంగీ విలలాప సుదుఃఖితా॥ 1-134-31(5964)
రక్ష్యమాణో మయా నిత్యం వీరః సతతమాత్మవాన్।
కథం త్వామత్యతిక్రాంతః శాపం జానన్వనౌకసః॥ 1-134-32(5965)
నను నామ త్వయా మాద్రి రక్షితవ్యో నరాధిపః।
సా కథం లోభితవతీ విజనే త్వం నరాధిపం॥ 1-134-33(5966)
కథం దీనస్య సతతం త్వామాసాద్య రహోగతాం।
తం విచింతయతః శాపం ప్రహర్షః సమజాయత॥ 1-134-34(5967)
ధన్యా త్వమసి బాహ్లీకి మత్తో భాగ్యతరా తథా।
దృష్టవత్యసి యద్వక్త్రం ప్రహృష్టస్య మహీపతేః॥ 1-134-35(5968)
మాద్ర్యువాచ। 1-134-36x(792)
విలపంత్యా మయా దేవి వార్యమాణేన చాసకృత్।
ఆత్మా న వారితోఽనేన సత్యం దిష్టం చికీర్షుణా॥ 1-134-36(5969)
`వైశంపాయాన ఉవాచ। 1-134-37x(793)
తస్యాస్తద్వచనం శ్రుత్వా కుంతీ శోకాగ్నిదీపితా।
పపాత సహసా భూమౌ ఛిన్నమూల ఇవ ద్రుమః॥ 1-134-37(5970)
నిశ్చేష్టా పతితా భూమౌ మోహేన న చచాల సా।
తస్మిన్క్షణే కృతస్నానమహతాంబరసంవృతం॥ 1-134-38(5971)
అలంకారకృతం పాండుం శయానం శయనే శుభే।
కుంతీముత్థాప్య మాద్రీ తు మోహేనావిష్టచేతనాం॥ 1-134-39(5972)
ఆర్యే ఏహీతి తాం కుంతీం దర్శయామాస కౌరవ।
పాదయోః పతితా కుంతీ పునరుత్థాయ భూమిపం॥ 1-134-40(5973)
రక్తచందనదిగ్ధాంంగం మహారజనవాససం।
సస్మితేన చ వక్త్రేణ వదంతమివ భారతం॥ 1-134-41(5974)
పరిరభ్య తతో మోహాద్విలలాపాకులేంద్రియా।
మాద్రీ చాపి సమాలింగ్య రాజానం విలలాప సా॥ 1-134-42(5975)
తం తథా శాయినం పుత్రా ఋషయః సహ చారణైః।
అభ్యేత్య సహితాః సర్వే శోకాదశ్రూణ్యవర్తయన్॥ 1-134-43(5976)
అస్తం గతమివాదిత్యం సంశుష్కమివ సాగరం।
దృష్ట్వా పాండుం నరవ్యాఘ్రం శోచంతి స్మ మహర్షయః॥ 1-134-44(5977)
సమానశోకా ఋషయః పాండవాశ్చ బభూవిరే।
తే సమాశ్వాసితే విప్రైర్విలేపతురనిందితే॥ 1-134-45(5978)
కుంత్యువాచ। 1-134-46x(794)
హా రాజన్కస్య నో హిత్వా గచ్ఛసి త్రిదశాలయం।
హా రాజన్మమ మందాయాః కథం మాద్రీం సమేత్య వై॥ 1-134-46(5979)
నిధనం ప్రాప్తవాన్రాజన్మద్భాగ్యపరిసంక్షయాత్।
యుధిష్ఠిరం భీమసేనమర్జునం చ యమావుభౌ॥ 1-134-47(5980)
కస్య హిత్వా ప్రియాన్పుత్రాన్ప్రయాతోఽసి విశాంపతే।
నూనం త్వాం త్రిదశా దేవాః ప్రతినందంతి భారత॥ 1-134-48(5981)
యతో హి తప ఉగ్రం వై చరితం బ్రహ్మసంసది।
ఆవాభ్యాం సహితో రాజన్గమిష్యసి దివం శుభం॥ 1-134-49(5982)
ఆజమీఢాజమీఢానాం కర్మణా చరతాం గతిం।
నను నామ సహావాభ్యాం గమిష్యామీతి యత్త్వయా॥ 1-134-50(5983)
ప్రతిజ్ఞాతా కురుశ్రేష్ఠ యదాఽస్మి వనమాగతా।
ఆవాభ్యాం చైవ సహితో గమిష్యసి విశాంపతే।
ముహూర్తం క్షంయతాం రాజంద్రక్ష్యేఽహం చ ముఖం తవ॥ 1-134-51(5984)
వైశంపాయన ఉవాచ। 1-134-52x(795)
విలపిత్వా భృశం చైవ నిఃసంజ్ఞే పతితే భువి।
యథా హతే మృగే మృగ్యౌ లుబ్ధైర్వనగతే తథా॥ 1-134-52(5985)
యుధిష్ఠిరముఖాః సర్వే పాండవా వేదపరాగాః।
తేఽభ్యాగత్య పితుర్మూలే నిఃసంజ్ఞాః పతితా భువి॥ 1-134-53(5986)
పాండోః పాదౌ పరిష్వజ్య విలపంతి స్మ పాండవాః।
హా వినష్టాః స్మ తాతేతి హా అనాథా భవామహే॥ 1-134-54(5987)
త్వద్విహీనా మహాప్రాజ్ఞ కథం జీవామ బాలకాః।
లోకనాథస్య పుత్రాః స్మో న సనాథా భవామహే॥ 1-134-55(5988)
క్షణేనైవ మహారాజ అహో లోకస్య చిత్రతా।
నాస్మద్విధా రాజపుత్రా అధన్యాః సంతి భారత॥ 1-134-56(5989)
త్వద్వినాశాచ్చ రాజేంద్ర రాజ్యప్రస్ఖలనాత్తదా।
పాండవాశ్చ వయం సర్వే ప్రాప్తాః స్మ వ్యసనం మహత్॥ 1-134-57(5990)
కిం కరిష్యామహే రాజన్కర్తవ్యం చ ప్రసీదతాం। 1-134-58(5991)
భీమసేన ఉవాచ।
హిత్వా రాజ్యం చ భోగాంశ్చ శతశృంగనివాసినా॥ 1-134-58x(796)
త్వయా లబ్ధాః స్మ రాజేంద్ర మహతా తపసా వయం।
హిత్వా మానం వనం గత్వా స్వయమాహృత్య భక్షణం॥ 1-134-59(5992)
శాకమూలఫలైర్వన్యైర్భరణం వై త్వయా కృతం।
పుత్రానుత్పాద్య పితరో యమిచ్ఛ్తి మహాతంనః॥ 1-134-60(5993)
త్రివర్గఫలమిచ్ఛంతస్తస్య కాలోఽయమాగతః।
అభుక్త్వైవ ఫలం రాజన్గంతుం నార్హసి భారత॥ 1-134-61(5994)
ఇత్యేవముక్త్వా పితరం భీమోఽపి విలలాప॥ 1-134-62(5995)
అర్జున ఉవాచ। 1-134-63x(797)
ప్రనష్టం భారతం వంశం పాండునా పునరుద్ధృతం।
తస్మింస్తదా వనగతే నష్టం రాజ్యమరాజకం॥ 1-134-63(5996)
పునర్నిఃసారితం క్షత్రం పాండుపుత్రైశ్చ పంచభిః।
ఏతచ్ఛ్రుత్వాఽనుమోదిత్వా గంతుమర్హసి శంకర॥ 1-134-64(5997)
ఇత్యేవముక్త్వా పితరం విలలాప ధనంజయః। 1-134-65(5998)
యమావూచతుః।
దుఃసహం చ తపః కృత్వా లబ్ధ్వా నో భరతర్షభ॥ 1-134-65x(798)
పుత్రలాభస్య మహతః శుశ్రూషాదిఫలం త్వయా।
న చావాప్తం కించిదేవ పురా దశరథో యథా॥ 1-134-66(5999)
ఏవముక్త్వా యమౌ చాపి విలేపతురథాతురౌ॥' 1-134-67(6000)
కుంత్యువాచ। 1-134-68x(799)
అహం జ్యేష్ఠా ధర్మపత్నీ జ్యేష్ఠం ధర్మఫలం మమ।
అవశ్యం భావినో భావాన్మా మాం మాద్రి నివర్తయ॥ 1-134-68(6001)
అన్విష్యామీహ భర్తారమహం ప్రేతవశం గతం।
ఉత్తిష్ఠ త్వం విసృజ్యైనమిమాన్రక్షస్వ దారకాన్॥ 1-134-69(6002)
`అవాప్య పుత్రాంల్లబ్ధార్థాన్వీరపత్నీత్వమర్థయే। 1-134-70(6003)
వైశంపాయన ఉవాచ।
మద్రరాజసుతా కుంతీమిదం వచనమబ్రవీత్॥' 1-134-70x(800)
అహమేవానుయాస్యామి భర్తారమపలాపినం।
న హి తృప్తాఽస్మి కామానాం జ్యేష్ఠా మామనుమన్యతాం॥ 1-134-71(6004)
మాం చాభిగంయ క్షీణోఽయం కామాద్భరతసత్తమః।
సముచ్ఛిద్యామి తత్కామం కథం ను యమసాదనే॥ 1-134-72(6005)
`మమ హతోర్హి రాజాఽయం దివం రాజర్పిసత్తమః।
న చైవ తాదృశీ బుద్ధిర్బాంధవాశ్చ న తాదృశాః॥ 1-134-73(6006)
న చోత్సహే ధారయితుం ప్రాణాన్భర్త్రా వినా కృతా।
తస్మాత్తమనుయాస్యామి యాంతం వైవస్వతక్షయం॥ 1-134-74(6007)
వర్తేయం న సమాం వృత్తిం జాత్వహం న సుతేషు తే।
తథాహి వర్తమానాం మామధర్మః సంస్పృశేన్మహాన్॥ 1-134-75(6008)
తస్మాన్మే సుతయోర్దేవి వర్తితవ్యం స్వపుత్రవత్।
అన్వేష్యామి చ భర్తారం వ్రజంతం యమసాదనం॥' 1-134-76(6009)
మాం హి కామయమానోఽయం రాజా ప్రేతవశం గతః।
రాజ్ఞః శరీరేణ సహ మామపీదం కలేవరం॥ 1-134-77(6010)
దగ్ధవ్యం సుప్రతిచ్ఛన్నం త్వేతదార్యే ప్రియం కురు।
దారకేష్వప్రమత్తా త్వం భవేశ్చాభిహితా మయా।
అతోఽహం న ప్రపశ్యామి సందేష్టవ్యం హితం తవ॥ 1-134-78(6011)
`వైశంపాయన ఉవాచ। 1-134-79x(801)
ఋషయస్తాన్సమాశ్వాస్య పాండవాన్సత్యవిక్రమాన్।
ఊచుః కుంతీం చ మాద్రీం చ సమాశ్వాస్య తపస్వినః॥ 1-134-79(6012)
సుభగే బాలపుత్రా తు న మర్తవ్యం తథంచన।
పాండవాంశ్చాపి నేష్యామః కురురాష్ట్రం పరంతపాన్॥ 1-134-80(6013)
అధర్మేష్వర్థజాతేషు ధృతరాష్ట్రశ్చ లోభవాన్।
స కదాచిన్న వర్తేత పాండవేషు యథావిధి॥ 1-134-81(6014)
కుంత్యాశ్చ వృష్ణయో నాథాః కుంతిభోజస్తథైవ చ।
మాద్ర్యాశ్చ బలినాంశ్రేష్ఠః శల్యో భ్రాతా మహారథః॥ 1-134-82(6015)
భర్త్రా తు మరణం సార్ధం ఫలవన్నాత్ర సంశయః।
యువాభ్యాం దుష్కరం చైతద్వదంతి ద్విజపుంగవాః॥ 1-134-83(6016)
మృతే భర్తరి సాధ్వీ స్త్రీ బ్రహ్మచర్యవ్రతే స్థితా।
యమైశ్చ నియమైః పూతా మనోవాక్కాయజైః శుభా॥ 1-134-84(6017)
భర్తారం చింతయంతీ సా భర్తారం నిస్తరేచ్ఛుభా।
తారితశ్చాపి భర్తా స్యాదాత్మా పుత్రస్తథైవ చ॥ 1-134-85(6018)
తస్మాంజీవితమేవైతద్యువయోర్విద్మ శోభనం॥ 1-134-86(6019)
కుంత్యువాచ। 1-134-87x(802)
యథా పాండోస్తు నిర్దేశస్తథా విప్రగణస్య చ।
ఆజ్ఞా శిరసి నిక్షిప్తా కరిష్యామి చ తత్తథా॥ 1-134-87(6020)
యదాద్దుర్భగవంతోఽపి తన్మన్యే శోభనం పరం।
భర్తుశ్చ మమ పుత్రాణామాత్మనశ్చ న సంశయః॥ 1-134-88(6021)
మాద్ర్యువాచ। 1-134-89x(803)
కుంతీ సమర్థా పుత్రాణాం యోగక్షేమస్య ధారణే।
అస్యా హి న సమా బుద్ధ్యా యద్యపి స్యాదరుంధతీ॥ 1-134-89(6022)
కుంత్యాశ్చ వృష్ణయో నాథాః కుంతిభోజస్తథైవ చ।
నాహం త్వమివ పుత్రాణాం సమర్థా ధారణే తథా॥ 1-134-90(6023)
సాఽహం భర్తారమన్విష్యే సంతృప్తా నాపి భోగతః।
భర్తృలోకస్య తు జ్యేష్ఠా దేవీ మామనుమన్యతాం॥ 1-134-91(6024)
ధర్మజ్ఞస్య కృతజ్ఞస్య సత్యసంధస్య ధీమతః।
పాదౌ పరిచరిష్యామి తథార్యాఽద్యానుమన్యతాం॥ 1-134-92(6025)
వైశంపాయన ఉవాచ। 1-134-93x(804)
ఏవముక్త్వా తదా రాజన్మద్రరాజసుతా శుభా।
దదౌ కుంత్యై యమౌ మాద్రీ శిరసాఽభిప్రణంయ చ॥ 1-134-93(6026)
అభివాద్య మహర్షీన్సా పరిష్వజ్య చ పాండవాన్।
మూర్ధ్న్యుపాఘ్రాయ బహుశః పార్థానాత్మసుతౌ తదా॥ 1-134-94(6027)
హస్తే యుధిష్ఠిరం గృహ్య మాద్రీ వాక్యమభాషత।
కుంతీ మాతా అహం ధాత్రీ యుష్మాకం తు పితా మృతః॥ 1-134-95(6028)
యుధిష్ఠిరః పితా జ్యేష్ఠశ్చతుర్ణాం ధర్మతః సదా।
వృద్ధాద్యుపాసనాసక్తాః సత్యధర్మపరాయణాః॥ 1-134-96(6029)
తాదృశా న వినశ్యంతి నైవ యాంతి పరాభవం।
తస్మాత్సర్వే కురుధ్వం వై గురువృత్తిమతంద్రితాః॥ 1-134-97(6030)
వైశంపాయన ఉవాచ। 1-134-98x(805)
ఋషీణాం చ పృథాయాశ్చ నమస్కృత్య పునఃపునః।
ఆయాసకృపణా మాద్రీ ప్రత్యువాచ పృథాం తదా॥ 1-134-98(6031)
మాద్ర్యువాచ। 1-134-99x(806)
ఋషీణాం సంనిధావేషాం యథా వాగభ్యుదీరితా।
దిదృక్షమాణాయాః స్వర్గం న మమైషా వృథా భవేత్॥ 1-134-99(6032)
ధన్యా త్వమసి వార్ష్ణేయి నాస్తి స్త్రీ సదృశీ త్వయా।
వీర్యం తేజశ్చ యోగం చ మాహాత్ంయం చ యశస్వినాం॥ 1-134-100(6033)
కుంతి ద్రక్ష్యసి పుత్రాణాం పంచానామమితౌజసాం।
ఆర్యా చాప్యభివాద్యా చ మమ పూజ్యా చ సర్వతః॥ 1-134-101(6034)
జ్యేష్ఠా వరిష్ఠా త్వం దేవి భూషితా స్వగుణైః శుభైః।
అభ్యనుజ్ఞాతుమిచ్ఛామి త్వయా యావనందిని॥ 1-134-102(6035)
ధర్మం స్వర్గం చ కీర్తిం చ త్వత్కృతేఽహమవాప్నుయాం।
యథా తథా విధత్స్వేహ మా చ కార్షీర్విచారణాం॥ 1-134-103(6036)
వైశంపాయన ఉవాచ। 1-134-104x(807)
బాష్పసందిగ్ధయా వాచా కుంత్యువాచ యశస్వినీ।
అనుజ్ఞాతాఽసి కల్యాణి త్రిదివే సంగమోఽస్తు తే॥ 1-134-104(6037)
భర్త్రా సహ విశాలిక్షి క్షిప్రమద్యైవ భామిని।
సంగతాస్వర్గలోకే త్వం రమేథాః శాశ్వతీః సమాః॥ 1-134-105(6038)
వైశంపాయన ఉవాచ। 1-134-106x(808)
తతః పురోహితః స్నాత్వా ప్రేతకర్మణి పారగః।
హిరణ్యశకలానాజ్యం తిలం దధి చ తండులాన్॥ 1-134-106(6039)
ఉదకుంభాంశ్చ పరశుం సమానీయ తపస్విభిః।
అశ్వమేధాగ్నిమాహృత్య యథాన్యాయం సమంతతః॥ 1-134-107(6040)
కాశ్యపః కారయామాస పాండోః ప్రేతస్య తాం క్రియాం।
పురోహితోక్తవిధినా పాండోః పుత్రో యుధిష్ఠిరః॥ 1-134-108(6041)
తేనాగ్నినాఽదహత్పాండుం కృత్వా చాపి క్రియాస్తదా।
రుదంఛోకాభిసంతప్తః పపాత భువి పాండవః॥ 1-134-109(6042)
ఋషీన్పుత్రాన్పృథాం చైవ విసృజ్య చ నృపాత్మజ।'
నమస్కృత్య చితాగ్నిస్థం ధర్మపత్నీ నరర్షభం॥ 1-134-110(6043)
మద్రరాజసుతా తూర్ణమన్వారోహద్యశస్వినీ॥ 1-134-111(6044)
`అహతాంబరసంవీతో భ్రాతృభిః సహితోఽనఘః।
ఉదకం కృతవాంస్తత్ర పురోహితమతే స్థితః॥ 1-134-112(6045)
అర్హతస్తస్య కృత్యాని శతశృంగనివాసినః।
తాపసా విధివచ్చక్రుశ్చారణా ఋషిభిః సహ॥ ॥ 1-134-113(6046)

ఇతి శ్రీమన్మహాభారతే ఆదిపర్వణి సంభవపర్వణి చతుస్త్రింశదధికశతతమోఽధ్యాయః॥ 134 ॥

Mahabharata - Adi Parva - Chapter Footnotes
1-134-15 మధుభాధవే చైత్రవైశాఖయోః సంధౌ తదాత్మకే వసంతే॥
1-134-19 వయః స్థాం యువతీం। తనువాససం సూక్ష్మవస్త్రాం కించిద్వివృతాంగామిత్యర్థః॥
1-134-23 కామపరీతాత్మా కామేన వ్యాప్తచిత్తః॥
1-134-25 బుద్దిర్భయనిశ్చయః। చేతసా విచారేణ॥
1-134-26 కాలధర్మణా మృత్యునా॥
1-134-28 తథాగతః మృతః॥
1-134-32 త్వామత్యతిక్రాంతో బలాదాక్రాంతవాన్। శోకాకులత్వాదతిశబ్దస్యాభ్యాసః॥
1-134-34 ప్రహర్షః కామః॥ 1-134-36 ఆత్మా చిత్తం। దిష్టం శాపజం దురదృష్టం॥
1-134-69 ప్రేతవశం ప్రేతరాజవశం। అన్విష్యాంయనుగమిష్యామి॥ చతుస్త్రింశదధికశతతమోఽధ్యాయః॥ 134 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.